Azərbaycan 85 ölkədən qida məhsullarının idxalına MƏHDUDİYYƏT QOYDU - SƏBƏB
Reshane Quliyeva 12/09/2025
Azərbaycan 15 xəstəlik üzrə dünyanın 85 ölkəsindən respublikaya qida məhsullarının idxalına məhdudiyyət qoyub.
biznesxeber.az xəbər verir ki, bu barədə Azərbaycan Qida Təhlükəsizliyi Agentliyinin şöbə müdiri, respublikanın baş dövlət baytarlıq müfəttişi Qalib Əbdüləliyev məlumat verib.
Onun sözlərinə görə, ötən həftə ərzində dünya üzrə blutanq, dabaq, xırdabuynuzlu heyvanların çiçək xəstəliyi və yüksək patogen quş qripi ilə bağlı yeni xəstəlik halları aşkar olunub:
"Monqolustanın Dornod vilayətində dabaq xəstəliyi, Sloveniyanın Cənub-Şərqi Sloveniya, Mərkəzi Sloveniya, Aşağı Posavska, Zasavska regionlarında, Bolqarıstanın Sofiya, Qabrovo vilayətlərində blutanq xəstəliyi, Yunanıstanın Epir və Qərbi Makedoniya inzibati ərazi vahidində, Liviyanın Tripoli dairəsində xırdabuynuzlu heyvanların çiçək xəstəliyi, Portuqaliyanın Santarem dairəsində, İspaniyanın Andalusiya muxtar icmasında, Norveçin Nurlann bölgəsində isə yüksək patogen quş qripi xəstəliyi qeydə alınıb".
biznesxeber.az
Digər Məqalələr
2025-09-16 11:52:53
Azərbaycanda ortaaylıq əməkhaqqı 2030-cu ilə qədər 1400 manatı ötəcək
2025-09-12 13:31:31
Tahir Rzayev: "Aqrar sektorla bağlı ixtisaslı kadr çatışmazlığı var"
